طموح البنت

طموح البنت

عايزه اتكلم عن طموح البنت
واهدافها اللي عايزه تحققها
وبين السور اللي بيتبني ف وشها ويبقي عائق 

نفسي رهيب ومحدش بيحس بيه 

• اول سور

.. (خوف الاهل الزائد عن اللزوم )... والله ياجماعه احنا مش هنموت واحنا صح ومش محتاجين منكم اي حاجه غير كلمه احنا معاكي .. كلام وبس والبنات عليهم الباقي

• تاني سور

بعض العناصر الحشريه اللي ملهاش اي لازمه غير الاحباط والاستخفاف بافكار واهداف الغير
ـــــــــــــــــــــــــــــــــــــــــــــــــــــــــــــــــــــــــــــــــــ

وتشجيع الاهل اكتر علي اصرارهم ازاي

 (انتي مش شايفه ياوختشي المصايب اللي بتحصل للبنات 

والتحرش والقرف الناس مبقتش عندها دم ...

 هي البنت لها الا الجواز وبيت جوزها ..

 هي اصلا اتخلقت لكده ...(طيب ايه المشكله لو كل حاجه مع بعضها حتي لو بنسب صغيره ياحاجه انتي )

• اسكت ياعم الحاج دنا شوفت حادثة عربية كل اللي فيها الله يرحمهم بقا الواحد شعره شاب من كتر اللي بيشوفه (ناس غريبه روحوا ربوا الولاد علي احترام حرية الغير وان الموت بميعاد مهما تعددت الاسباب

ناس توجع القلب اللي مش عايز يتوجع احب اقولهم انتوا غير مثقفين دينيا 

(قل خيرا او اصمت
ــــــــــــــــــــــــــــــــــــــــــــــــــــــــــــــــــــــــــــــــ

تعرفوا كل مافكر في معني الدين معامله

 اكون واثقه جدا من حاجات الاسر الناجحه

 بتكون فاهمه الدين صح عارفين ان الرسول

 صلي الله عليه وسلم

 في خطبته الاخيره قال استوصوا بالنساء 

ورفقا بالقوارير

 مش 

( اكسر للبنت ضلع يطلع لها اربعة وعشرين )

هههههههههههههههههههههههههه

جتكم خيبه حتي المثل ده انتوا فهمتوه غلط .. 

بعد شوية تفكير فيه

البنت عندها اراده قوية جدا

لو عايزه تعمل اي حاجه هتعملها 

حتي لو غصب عن اي حد 

فلو كسرتها انهرده مره واتنين وتلاته واربعه وعشرين برده

 هتلملم نفسها وتقوم اقوي من الاول

زي  

( البنت زي القطط بسبع ارواح)

ــــــــــــــــــــــــــــــــــــــــــــــــــــــــــــــــــــــــــــــــ

بس ليه كل ده؟؟؟؟؟؟؟؟؟؟؟؟؟

 ايه المشكله لو كل اب وام يكونوا واثقين شويه

 ان بنتهم هتنجح وكل اخ يقول لاخته وكل زوج لزوجته

انتي نفسك في ايه ؟؟؟

ويساعدها والله هي ماعايزه اكتر من كلمه

 ( احنا معاكي لو حصل اي حاجه )

وطظ ف كلام الناس اللي مبيخلصش

 والبنت عليها الباقي وهتنجح لانها مطمنه

ان لو وقعت هتلاقي اللي يساعدها من تاني

 عشان تكمل

بلاش تدووا فرصة ان التشجيع ييجي من بره

 عشان بيكون احساس صعب جدا

 اقرب ناس ليا مش حاسين بيا .. تصدقوا تنفع مقطع اغنيه .. لالالالا مش عايزه اكتب حاجه نكد نرجع للمهم

..

ياجماااااااااااااااااااااااااااااعه

 البنت عندها نفس مشاعر الولد لو حد احبطه واستخف بطموحه 

نفس الوجع والالم والارهاق النفسي

ونفس النار اللي بتشتعل جواك انك عايز تحقق هدف وتنجح في حاجات كتير

 ونفس الاحساس بانك متكتف مش عارف تعمل حاجه بسبب العوائق

 واكبر عائق عدم الدعم المعنوي من اقرب الناس ليك

البنت اوقات كتير بيكون جواها صراع نفسي كبير جدا محدش بيحس بيها ياريت نقرب افكارنا من بعض

 ونصيحه لو هتقرب عشان تقنعها بافكار محطمه بلاش كفايه اللي هي فيه المشرحه مش ناقصه قتله
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

• خدها قاعده حلوه 

مفيش بنت ناجحه وسعيده وبتضحك من قلبها

 غير لما يكون في حد من اهلها بيشجعها وبيقويها بكلامه وبحنيته ..ناس فاهمه يعني ايه دين

وعارفه يعني ايه الدين معامله

وعارفين وصية الرسول 

(استوصوا بالنساء ) 

ورفقا بالقوارير

عايز تحس ان زوجتك سعيده وفرحانه او اختك

قرب منها وساعدها

 وساعتها متستغربش من الخير والسعاده اللي هتشوفها لانك انفقت شوية حنيه وتفاهم وتشجيع

( لن تتنالوا البر حتي تنفقوا مما تحبون )

ربنا يهدي !!

• علي فكره اي كومنت بأسلوب غير لائق سيتم حذفه

شارك هذه الصفحة وتابعنا على صفحاتنا الرسمية

شارك الموضوع →

تويت

تابعنا →

إنشر الموضوع →