نظرية طبق الكشري دي اختراع صديقتي الانتيم
كنا امبارح بنتناقش في موضوع تدخل الغير في حياة كل انسان والمساحه المفروض المحافظه عليها في التعاملات بين البشر عموما او الخط الاحمر اللي بنسمع عنه دايما
صديقتي قالت المساحه دي المفروض ان الشخص نفسه هو اللي بيحددها وهو اللي بيسمح لغيره يعامله بمعامله كويسه ولا لاء
قولتلها ازاي في طبيعة بشر عندها رغبة شديده في تجاوز كل الحدود وتنه يعطي لنفسه كل الصلاحيات انه يدخل في حياة غيره
قالت لاء هنفترض ان احنا الاتنين بناكل في طبق واحد بافتراض انه طبق الكشري ده والمفروض انه يتقسم بالنص
جيت انا قولتلك كلي براحتك وانا اكلت في حدود ربع الطبق وبس مبحاولش اكمل حقي كامل
فشئ طبيعي انك انتي هتاكلي الباقي وهتتحركي في حدود 3/4 من الطبق ده
لان انا اللس سمحت ليكي من الاول بكده
وبالتالي اي اكل جديد هيجي انتي هتتحركي في حدود 3/4 لان انا عودتك علي كده فبالتالي بقي حق مكتسب ليكي
لو جيت انا في يوم اطالب ب1/4 اللي هو حقي ومفتقداه مش هلاقيه
الخلاصه من الموضوع ده
لو عممنا طبق الكشري علي حياة كتير من البشر هنلاقي ان في اشخاص مسيطرين علي اشخاص تانيه خالص مش قوه ولا جباروت
السبب في انهم سمحوا من البدايه بكده
زوج مثلا يشتم زوجته وهي سكتت مره عشان تربيتها متسمحش لها انها ترد علي زوجها فيزيد فيها لانها سمحت من البدايه بكده محطتش خط احمر
صديق زعلان ومقموص من صديق تاني خالص مع انه اللي غلطان بس للاسف اتعود انه سواء غلطان ولا مش غلطان في اخر اليوم ححد بيجي يقوله حقك عليا انا اسف مقدرش علي زعلك وطبعا اللي يلاقي الدلع وميدلعش يبقي عبيط
وحاجات كتير جدا موجوده بالشكل ده
بس الحل ايه ياتري
هل بعد كل ده ممكن انسان يسترد حقه من تاني ويعمل خطوط وفواصل لاحترام نفسه البشريه اللي ربنا كرمها عن سائر المخلوقات ؟
السؤال يحتاج الي اجابه منكم
 |
| نظرية طبق الكشري |
ابداع ما شاء الله
ردحذفابداع ما شاء الله
ردحذف