حبات المطر

أهلا بنسيم الشتاء البارد 

أهلا بحبات المطر المتمرده

صوته الدافئ جعلني أكثر قوه أمامكم

حبات المطر

اقرء المزيد

فكر قبل ما تتكلم

جربت تفكر في تأثير الكلمه اللي هتقولها لحد قبل ما تقولها ؟

 وانتي كمان فكرتي قبل كده ؟

طيب جربت تعكس الادوار شويه وتتخيل ان الكلمه دي موجهه ليك إنت هتحس بإيه ؟

هتحسي بايه ؟

لما الرسول عليه الصلاة والسلام قال الكلمة الطيبة صدقه . وقال قل خيرا او لتصمت

 مكنش من فراغ

كان لإنه مدرك نفسية الاشخاص وتأثير الكلمه عليهم هتكون ازاي

كلمتك

 ممكن تكون سبب ان حد ينجح ف حياته أو يفشل 

انسان يعيش مبسوط وفرحان وانسان محبط ومكتئب

انسان واثق من نفسه أو انسان مذبذب ومضطرب الشخصيه

بستغرب اوووي الناس دلوقتي

كل اللي يهمهم الكلام وبس مش مهم اذا كان طالع زي طلقات الرصاص اللي ممكن تموت حد بالبطئ ف وقت ضعفه

ولا زي بوكيه الورد اللي ممكن يجمل حياة انسان

علي العموم الموضوع كبير 

بس هكتفي برأي ربنا 

"فلا يحزنك قولهم إنا نعلم ما يسرون وما يعلنون " 

(فأصبر علي ما يقولون وسبح بحمد ربك قبل طلوع الشمس وقبل غروبها ومن أناء الليل فسبح وأطراف النهار لعلك ترضي )

( وَلَا يَحْزُنْكَ قَوْلُهُمْ ۘ إِنَّ الْعِزَّةَ لِلَّهِ جَمِيعًا ۚ هُوَ السَّمِيعُ الْعَلِيمُ )

مفيش كلام ينفع يتقال بعد كلام ربنا ... يكفي إنه يسمع ويري فكر قبل ماتتكلم

اقرء المزيد

إحساس بلا عنوان

الوقت كان متأخر
ونسيم البرد أاسي
صوت الصمت عالي
أفكار شاغله راسي

لعبة كراسي
 فكرة تروح .. بتيجي غيرها

بفكر ف شرها وبرده خيرها

الجو العام .. أصبح مخيف

إحساسي بالامان .. بقي واضح ضعيف

صوتك وصورتك دايما ف بالي

أفتكر كلامك .. وأفكر ف حالي

كان نفسي 

اداري ف حضنك ... بس انت بعيد

كان نفسي

تضرب كل مخاوفي ضربه حديد

كان نفسي اقول

بحبك ....... أو متكلمش

احساس بلا عنوان

اقرء المزيد

صباح الياسمين

صباح الياسمين

جربت تزعل حد بيحبك اووي وتكلمه بأسلوب يحسسك بالندم بعدها

 ويوصلك ﻻحساس انك ﻻزم تعتذر ﻻن مينفعش تغلط ف حقه

جربت بقا وانت رايح تعتذرله 

وعمال تقول يارب يقبل اعتذاري ويسامحني

ويبدأ صوتك يطلع وانت بتقول 

معلش 

 حقك عليا 

 متزعلش مني

مكنش قصدي ازعلك

بجد آسف

تلاقيه مبتسم وبيقولك. انا اصلا عمري ما زعلت منك وﻻ هزعل منك ف يوم

عشان انا بحبك

 هتحس وقتها انك منشكح اووي

 وراضي وفرحان لدرجة أن عيونك الحلوه ممكن تدمع

وده مجرد شخص. . بشر.. ما بالك برب البشر . الي أقرب واحن ليك من أي حد

اللي لما تعمل ذنب

 والشيطان يفضل يقولك ربنا مش هيسامحك انت خلاص راحت عليك.

وربنا يقولك معلش استغفر وانا هسامحك .. انت حبيبي

ياابن آدم انك مادعوتني ورجوتني غفرت لك علي ماكان فيك وﻻ أبالي

ياابن ادم لو بلغت ذنوبك عنان السماء ثم استغفرتني غفرت لك وﻻ أبالي

ياابن ادم انك لو اتيتني بقراب اﻻرض خطايا ثم لقيتني ﻻ تشرك بي شيئا ﻻتيتك بقرابها مغفرة

بذمتك في احلي من كده

رب اغفرلي ولوالدي واخواتي وكل من أحبه انك انت الغفور الرحيم

صباح الاستغفار

اقرء المزيد

رسائل ربانية

عارفه لما يبقي تفكيرك مشغول بحاجة ..لدرجة أنه مش عايز يفصل

وفجأة تلاقي بوست بيقول. فقط قل وافوض أمري الي الله

يعني ربنا بيقولك متحمليش هم . 

ومتفكريش . انا موجود وعندي الطرق المضمونه وكل المفاتيح ف اطمني

 له مقاليد السماوات والأرض يبسط الرزق لمن يشاء ويقدر إنه بكل شيء عليم 

حلوه اوي الرسائل الربانية

عارف لما تكون مستغرق ف التفكير  ف مشكلة 
وفجأه تسمع الاذان بيقول الله اكبر

وجسمك كله يقشعر كإن ربنا بيقولك انا اكبر من اي مشكله واقدر احلها
ولا لما تكون بسبب ما خسرت حد مهم بالنسبة ليك وتلاقي ربنا باعتلك رساله 
جايز تسمعها في ميكروباص وانت مروح 
جايز علي لسان اي حد ماشي ف الشارع
أليس الله بكاف عبده
هو في احن من ربنا يقدر يكفيك ويغنيك عن سؤال البشر كلها

ولا لما حد يظلمك في شغلك ولا في حياتك وربنا يطمنك ب
 إِنَّ رَبَّكَ لَبِالْمِرْصَادِ
ركز في الرسائل الربانيه اللي ربنا بيبعتهالك
سيبها انت عليه ومتفكرش غير فيه وهو قادر يبدل حياتك للاحسن وعلي اهون الاسباب 
ما بين طرفة عين وانتباهتها يغير الله من حال الي حال

رسائل ربانية

اقرء المزيد

متمردة

أنا الهادية وجواها تمرد 
 وانا المجنونه بقلب حنون

انا لحظة سكون
 في عز ليل صاحي مبينمش 

اقرء المزيد

روحي فيه

طب قـــوله يبعت روحي ليا 

ويشيــــــل صورتـه من عنيا 

الدنيا بقت صعبة عليا

والله ما عارفه اعيش

يمسح من زكرياتي صــــوته 

يرحمني بكــلامه مش سكوته 

ايام وليالي رافضين يفـــوتوا

قوله يرجع ميسبنيش

غصب عنـــــي ومش بإيدي 

انــــــــه يبقي كــــــل عيدي 

وان قلبي يكون شاريه

من زمان و قلبي اختاره

قوله يتاني وهو بياخد قراره

أنا قلبي وروحي فيه

روحي فيه 

اقرء المزيد

الناس هيقولوا ايه

كلام الناس من الحاجات اللي للأسف أشخاص كتير جدا بتعمل حسابها أووي  

وكانت زي طوق حوالين رقبة اي انسان نفسه يحقق احلامه  اللي مش مألوفه بالنسبالهم

الناس هيقولوا ايه ؟

خلينا متفقين ان الناس شغلتها الاساسية الكلام

 وممكن يجيلها استبحس لا قدر الله لو متكلمتش واحنا طبعا منرضاش بالضرر للغير

والاهم من الغير اننا مينفعش نرضي بالضرر لنفسنا عشان شوية  كلام فاضي وعلي بيل المثال

سيناريو رقم 1

 دي متجوزتش ياواقعه سوده .. يابنتي حرام عليكي إلحقي القطر هيفوتك 

* حبيبتي روحي عند السكه الحديد وتابعي كم قطر بيمر ف اليوم

وبعدين عادي جدا 

القطر لو فات في طياره ولو بتخافي .. في اتوبيسات وعربيات حتي التوكتوك وصل 

المواصلات كلها موجوده ..بأمر الله

البنت اتجوزت والحمد لله بعد شهر واحد من الجواز

سيناريو رقم 2 

ايه مفيش حاجه ؟

حاجه زي إيه ياطنط انتي وهي

حاجه كده  بتقول واء واء  عايزين نطمن عليكي 

ياحرام دي لسه ربنا مرزقهاش بحتة عيل يملي عليها الدنيا

سيناريو رقم 3 ( الشيطان يعظ )

ولولا قدر الله في مشاكل كتير بين الزوجين وربنا الوحيد اللي اعلم بحالهم

يخترعوا اي حدوته ويزودوا عليها كلمتين ويبدأو في دور الواعظ ليها وله 

يابنتي الست ملهاش غير بيت جوزها ومن الاخر احنا معندناش بنات تتطلق انسي الموضوع ده خالص

نفس ذات الناس . تروح للزوج تقوله هي مالها محدش مالي عنيها ليه 

ده انت بلسم اقولك

 انت لو راجل بصح تكسر نفسها وتتجوز عليها من بكره ست ستها

وممكن جدا ربنا يهدي الحال ويرجعوا لبعض بالعند فيهم 

وبرده الناس هتتكلم قال مبيحبوش بعض قال كل ده تمثيليه بيعملوها قدامنا عشان يبعدوا بيها العين عنهم

احنا اللي غلطانين هو احنا بنكرههم ؟ هو احنا عايزين نخرب عليهم

سيناريو رقم 4

واحد عايز يسيب شغله الاساسي مثلا ويشوف فرصه تانيه في مجال هو موهوب فيه 

طبعا بيكون في اعتراض ورسائل خوف مباشره غير مباشره للايام الصعبه اللي في انتظاره

بقا تضحي بشغلك الاساسي عشان شوية كلام فارغ 

ووظيفه مضمونه عشان تروح ....... وانت عندك بيت ومسئول عنه

وبعدين انت لسه هتجرب حاجه جديده  واللي تعرفه احسن من اللي متعرفهوش

سيناريو رقم 5

واحد مكملش تعليمه وجه الوقت انه يكمله 

ياخي حرام عليك الفلوس اللي تدفعها في الكتب والمواصلات وفرها واعملك مشروع

يااااااااه بعد ماشاب ودوه الكتاب

هما اللي اتعلموا خدوا ايه

ولو بنت هي اللي عايزه تكمل تعليمها

الفلوس اللي تصرفيها علي الجامعه يبقي تشتري بيها تلاجه ولا غساله 
حاجه تنفعك في بيتك وجهازك

وبعدين هي البنت ليها الا بيت جوزها

المهم غالبا بتكون النتيجه واحد صفر لصالح الناس

وخد عندك حاجات كتير جدا 

دي لبسها مش عارفه ماله 

وده تسريحة شعره شكلها غريب

ودي س وده ج 

طيب وبعدين

هل المفروض اننا نستجيب لرأي الناس وكلامهم ونعمل حسابهم أكتر من ربنا

في حاجات كتير جدا الناس بتعلن رفضها ليها وهي اصلا حلال

بقا شئ سخيف جدا ان الانسان بيعمل حساب الناس وميعملش حساب ربنا وعقله ومشاعره ونفسه

عشان كده غالبا الانسان ده بيموت وبرده مش هيسلم من كلام الناس

هيا بنا الي الجانب الاخر( الجانب المشرق )

الفريق التاني بقا ده فريق المتمردين 
اللي كلام الناس عنده زي فقاعات الصابون بتختفي قبل ما توصل ليه

بيعمل اللي هو عايزه .. وشايل شعار انا هعيش الحياه مره واحده بس .. يبقي ليه حد غيري يعيشها ليا 

عادة الناس دي بيكون في سلام نفسي كبير جدا في حياتهم وبيحققوا احلامهم خطوه بخطوه 

لانهم ركزوا علي حاجتين وبس

حلال ولا حرام  ؟
انا عايز ايه  ؟

وغالبا برده الناس مش هتسيبهم في حالهم بس بطريق مختلف

شوفتوا وصلوا لايه ..

 ربنا راضي عنهم

محظوظين

اللي اداهم يدينا ياسيدي

 الخلاصه 

اللي عايزه اقولها من الصبح . بصوت الفنان جورج وسوف

كلام الناس لا بيقدم ولا يأخر . كلام الناس ملامه وغيره مش أكتر

وبصوت الفنان محمد فؤاد

سيبهم يقولوا .. مهما يقولوا .. إيه خدنا منهم غير الكلام

اقرء المزيد

نفسي فيه وأقول أخيه

من الحاجات اللي مستغرباها جدا
 ومش قادره  أفهمها

 وجهة النظر المذبذبة للرجل تجاه  المرأه الطموحه

يعجب بيها جدا ويحبها جدا ويمجد فيها ..
 يحب أرائها ويشاركها اهتمامتها ..
 جنتل مان جدا طول ما هو لسه مدخلش البيت

ووقت اما ياخد قرار الزواج .. يفضل البنت العادية جدا في طموحها
 او اللي كل احلامها زوجها وعيالها وبس واللي دايما ملهاش طلبات

السؤال ليه .. شيزوفرينيا مثلا

ما علينا  ان شاء الله والف الف مبروك

نفس ذات الرجل بعد فترة بيشتكي من زوجته اللي ملهاش اي اهداف في الحياه
 واللي شغلتها الوحيدة تنضيف البيت
 وغسيل المواعين
 وتجهيز الاكل
 و مذاكرة العيال
وعلي فكره ممكن تكوون زي القمر كمان

كل نظرته بتتغير وتكون متمردة علي زوجته
 وحانية ومتفهمة لزميلته السوبر وومن اللي معاه في الشغل

انسانه ناجحه ف شغلها ..
 وناجحه كمان في بيتها ..
ومهتمه بنفسها جدا ..
 مثقفه ..
 بتقدر تواجه الضغوط والمشاكل
 وبتحلها ببساطه

قدرت تتعامل مع المجتمع
 خرجت وراحت وشافت
من الاخر يعتمد عليها

دي بقا البرانوي

اقرء المزيد

انت وكفي

حينما أفكر فيك 

تتلاشي صور جميع الرجال التي مرت أمامي
والتي سوف تمر

فلا أري غيرك في هذا الكوكب 

أعترف به حبيبا

انت وكفي

اقرء المزيد

بتحب نفسك يعني أناني

مين قال كده 

 في فرق كبير جدا بين انك تحب نفسك وبين انك تكون أناني

تحب نفسك يعني تحب روح ربنا فيك .. تقدر ذاتك .. 

تتقبلها بمميزاتها وعيوبها وكمان تحب لغيرك الخير

أما أناني يعني تحب الخير لنفسك فقط وليس للاخرين

طيب السؤال المهم

هو انت فعلا بتحب نفسك ؟ 

هو إنتي فعلا بتحبي نفسك ؟

عارفه الاجابه اكيد هتكون نعم

سؤال جديد ؟ ازاي

وعادة بيكون الرد نوع من الصمت الرهيب

خلونا نتكلم بصراحه
 

لو هنتكلم عن اي انسان لما يحب غيره بيكون عايز يعمل ليه أي حاجه .
 بيقيد صوابعه العشره شموع عشان خاطر الطرف التاني يبقي سعيد ومبسوط

هي تصحي من النجمه تجهز فطار وتهتم بيه وحاجات تانيه كتير جدا  وكلها جميله
وانا معاها لان الحب اهتمام

وهو كمان اهم حاجه في الدنيا الطرف التاني وعشانه شغل شغل شغل شغل ثم شغل

بس السؤال هو انتي بتهتمي بنفسك زي ما بتهتمي بحبيبك؟؟
ياتري بتقولي لنفسك كلام حلو وبتقدريها لما تكون تعبانه
 ومتجيش عليها
ومتحملهاش فوق طاقتها

ياتري الصبح بتكوني حريصه انك تصحي بدري؟ وتعملي فطار عشانك انتي وتاكلي خضراوات وفاكهه عشان بشرتك
 وبتهتمي بلبسك زي اهتمامك بغسيل ومكوة باقي الاشخاص الموجودين ف البيت

خرجتي مره اكلتي اكله حلوه بره ؟

خرجتي مره اتفسحتي ونسيتي ضغط البيت والشغل وفصلتي عن الدنيا كلها شويه

انت عملت جزء خاص من ميزانيتك ليك انت واحدك تنمي نفسك وتطورها .. تخرج مع صحابك . تعمل حاجه بتحبها 

هو ليه الكل عاجبه دور الطاحونه ومصمم يمشي فيها وراضي بيها ويقول انها سنه الحياه وفي الاخر يتقال الدنيا روتينية والحياه صعبه 

عيش لحياتك شويه لان مش جميل انك تعيش حياة الاخرين
 ومع مرور الايام تحس انك مهمش أو في حاجات كتيييير كان نفسك تعملها ومعملتهاش

حاول تتفنن وتشوف الحاجه اللي بتسعدك  وبتفرحك واعملها لما تحب نفسك هتعرف تحب غيرك بجد والحب هيكون صادق ومن القلب مش اي كلام

بتحب نفسك يعني اناني

اقرء المزيد

شوفي نفسك حلوة

نظرة الناس ليكي ماهي الإ إنعكاس لنظرتك الداخلية

. يعني لو شوفتي نفسك حلوه الناس كلها هتشوفك حلوة.  

ولو شايفه اانك فيكي عيب معين هتلاقي تركيز الناس بيقع عليه وبالتالي يتأكد في ذهنك انتي أكتر

هقولك حاجه بسيطه جدا ولو طبقتيها هتشوفي نفسك ملكة جمال والكل هيعاملك كأن ده واقع

 كل بنت ليها جمال من نوع  خاص

 في اللي روحها حلوه ..
 وفي اللي دمها خفيف ...
وفي اللي نظرة عنيها تدوخ  ..
 وفي اللي طيبة قلبها يخلي الكل يتمسك بيها
 وفي اللي حنانها بالدنيا وما فيها  ..
 وفي البنت الجدعه اللي بميت راجل ووقت الجد تبقي موجوده وتشيل

يعني بالطول والعرض أكيد فيكي حاجات حلوه مش حاجه واحده كمان 

سيادتك بقا مطلوب منك تقعدي شويه مع نفسك وتسرحي  وتعرفي ايه مميزاتك 

ايه الحاجه اللي تخليكي مميزه عن غيرك 

ويوم ما تلاقي الحاجات دي امسكي فيها وحبيها أوووي لانها تستاهل انها تتحب

شوفي نفسك حلوه

اقرء المزيد

بودي جارد

كتير جدا بنشوف اي حد مهم معاه اكتر من بودي جارد 

عشان يحميه ويتمنظر بيه شويه

وعشان انت اهم حاجه عند ربنا بعتلك 10 من الملايكه عشان يحفظوك

ملك علي يمينك وملك علي يسارك
 الي علي اليمين بيسجل الحسنات
 والي علي اليسار بيسجل السيئات
 ولو سيادتك عملت ذنب ولا حاجه
 الملك اللي علي اليمين يقول للملك اللي علي اليسار اكتب سيئه
 يرد عليه الملك اللي علي اليسار ويقوله استني شويه ممكن يستغفر 

‏‎smile‎‏ رمز تعبيري

وملك من امامك
 وملك من خلفك
 يحفظوك  بامر الله
من حوادث او اي شئ وحش

‏‎smile‎‏ رمز تعبيري

ملك علي الجبهه
يجد فيك القبول اذا كنت متواضع لله 

‏‎smile‎‏ رمز تعبيري

ملك علي الشفه العليا
وملك علي الشفه السفلي
 دول عشان بيسجلوا الصلاة علي النبي
 متنساش انهرده الجمعه اكثر من الصلاه علي الحبيب

اللهم صلي وسلم وبارك عليك ياحبيبي يارسول الله 

‏‎smile‎‏ رمز تعبيري

ملكين علي العيون وهم لغض البصر وحماية العيون من الاذي 

‏‎smile‎‏ رمز تعبيري

ملك علي البلعوم لحمايتك من اي اذي ممكن يدخل فمك وانت نائم 

‏‎smile‎‏ رمز تعبيري

تخيل دايما وانت ماشي انك معاك احلي حمايه من ربنا محدش يقدر يقرب منك بحاجه تأذيك مهما كانت هي ايه 

بودي جارد

اقرء المزيد

اتفضل من غير مطرود

اتفضل من غير مطرود

مش قولت اللي انت عايزه

طيب مستني ايه ؟

اتفضل بقا

من غير مطرود

مش ده اللي انت عايزه ؟

قلبي انا هأسي عليه

ولازم يبقي في بينا حدود

أنا مش هبكي عليك

صدقني

ولا هشكي وأحكي لحد 

لأ دانا هونت عليك

وأكيد هرتاح ف البعد
 

بس وحياة اللي فات

هكون حلم

تتمني عيونك تحلمه

هتفكر بالساعات

ازاي ترجع لقلبي

او حتي تكلمه

اقرء المزيد

احساس غـريب !!

احساس غريب 

 مش عارفه انى اوصفه

بس ليــك هقوله 

 وانت يمكـــن تعـرفه

الغريب عندى 

انه لســــه من ساعات

عايــــزه احكى عن حياتى 

واللى فـات

ويبقـــــى ليك 

 كل الجاى من عمـري

عايـــزه اصغر

 وفى حضنــــــك اجري

احساس جديد واصله بيه لابعد سما 

بغنـــــى ويا النجوم 

وبتسمعنى الغنا 

حاســــــه معاك 

 دفيانه اوى ومطمنه

مليــانه بكل الرضـــا 

وبحمد عليك ربنا

لسه فى كتيير .. حاجات صعب اقولهــا

ومـــن جمالها 

بدعى ربى انى انولها

انـــى اطولها 

واشيلك فـــى عيونى 

انـــــك تملا حياتى 

وتملا عليه كونى

إحساس غريب

اقرء المزيد

حديث الروح

وكم من مرات أقف أمام مرئاتي أتحدث إليك

 وأخبرك عن تفاصيل يومي 

أسمع ردودك وصمتك أيضا

وهكذا حاالي كل يوم

حديث الروح

اقرء المزيد

دموع تحمل معها الكثير

عندما أرتمي بين زراعيك .. حينما تستقر رأسي علي كتفييك

ستذوب قطرات الدموع التي تجمدت في عيناي طيلة الأعوام السابقة

سأطلب من الله 

أن تخرج في صمت حتي لا تشعر أنت بعذاب الضمير

دموع

اقرء المزيد