مين قال كده
في فرق كبير جدا بين انك تحب نفسك وبين انك تكون أناني
تحب نفسك يعني تحب روح ربنا فيك .. تقدر ذاتك ..
تتقبلها بمميزاتها وعيوبها وكمان تحب لغيرك الخير
أما أناني يعني تحب الخير لنفسك فقط وليس للاخرين
طيب السؤال المهم
هو انت فعلا بتحب نفسك ؟
هو إنتي فعلا بتحبي نفسك ؟
عارفه الاجابه اكيد هتكون نعم
سؤال جديد ؟ ازاي
وعادة بيكون الرد نوع من الصمت الرهيب
خلونا نتكلم بصراحه
لو هنتكلم عن اي انسان لما يحب غيره بيكون عايز يعمل ليه أي حاجه .
بيقيد صوابعه العشره شموع عشان خاطر الطرف التاني يبقي سعيد ومبسوط
بيقيد صوابعه العشره شموع عشان خاطر الطرف التاني يبقي سعيد ومبسوط
هي تصحي من النجمه تجهز فطار وتهتم بيه وحاجات تانيه كتير جدا وكلها جميله
وانا معاها لان الحب اهتمام
وانا معاها لان الحب اهتمام
وهو كمان اهم حاجه في الدنيا الطرف التاني وعشانه شغل شغل شغل شغل ثم شغل
بس السؤال هو انتي بتهتمي بنفسك زي ما بتهتمي بحبيبك؟؟
ياتري بتقولي لنفسك كلام حلو وبتقدريها لما تكون تعبانه
ومتجيش عليها
ومتحملهاش فوق طاقتها
ياتري بتقولي لنفسك كلام حلو وبتقدريها لما تكون تعبانه
ومتجيش عليها
ومتحملهاش فوق طاقتها
ياتري الصبح بتكوني حريصه انك تصحي بدري؟ وتعملي فطار عشانك انتي وتاكلي خضراوات وفاكهه عشان بشرتك
وبتهتمي بلبسك زي اهتمامك بغسيل ومكوة باقي الاشخاص الموجودين ف البيت
وبتهتمي بلبسك زي اهتمامك بغسيل ومكوة باقي الاشخاص الموجودين ف البيت
خرجتي مره اكلتي اكله حلوه بره ؟
خرجتي مره اتفسحتي ونسيتي ضغط البيت والشغل وفصلتي عن الدنيا كلها شويه
انت عملت جزء خاص من ميزانيتك ليك انت واحدك تنمي نفسك وتطورها .. تخرج مع صحابك . تعمل حاجه بتحبها
هو ليه الكل عاجبه دور الطاحونه ومصمم يمشي فيها وراضي بيها ويقول انها سنه الحياه وفي الاخر يتقال الدنيا روتينية والحياه صعبه
عيش لحياتك شويه لان مش جميل انك تعيش حياة الاخرين
ومع مرور الايام تحس انك مهمش أو في حاجات كتيييير كان نفسك تعملها ومعملتهاش
ومع مرور الايام تحس انك مهمش أو في حاجات كتيييير كان نفسك تعملها ومعملتهاش
حاول تتفنن وتشوف الحاجه اللي بتسعدك وبتفرحك واعملها لما تحب نفسك هتعرف تحب غيرك بجد والحب هيكون صادق ومن القلب مش اي كلام
 |
| بتحب نفسك يعني اناني |
0 التعليقات :
إرسال تعليق