عارف لما تبقي ماشي في طريق وتقع ع اﻻرض
فتتجرح شويه وهدومك تتبهدل بالتراب وياسلام بقا لو كان طين بتبقي قرفان من نفسك .
ومن كل الدنيا ومتنرفز علطول
ولو هتمشي جنب أي حد هتلاقيه بيبعد عنك .عشان هدومه تفضل نضيفه وهتكمل لوحدك
لحد مايجي الفرج
وتوصل بيتكم وتاخد شاور ولبس حلو وبرفان هتلاقي كل حاجة بقت تمام وترجع حياتك احسن من اﻻول
اﻻستغفار
علي ذنوبك والبلاوي الزرقة اللي عملتها في حياتك زي الشاور بالظبط
هنخليك نضيف ومرتاح نفسيا وهتلاقي ربنا بيعمل ليك الخير وبيسهل ليك الصعب واﻻفضل من كده انه هيعرفك قيمة نفسك ويزرع حبك في قلوب الخلق
اللهم اغفر لي ونقني من المعاصي والذنوب كما تنقي الثوب اﻻبيض من الدنس
ولو الشيطان فكر يلعب بدماغك ويقولك
استغفار ايه ؟
توبة ايه ؟
هو ربنا يعني هينسي اللي فات
اضحك عليه وطلع لسانك وقوله ايوه هيقبل
وهيدخلني الجنه كمان ياشيطان وانت لأ
لانه قال
( وهو الذي يقبل التوبة عن عباده ويعفو عن السيئات ويعلم ما تفعلون)
وقال كمان
قل يا عبادي الذين أسرفوا على أنفسهم لا تقنطوا من رحمة الله انّ الله يغفر الذنوب جميعا... , انه هو الغفور الرحيم*
بالله عليك هو في أرحم واجمل من كده
طيب ايه فوائد الاستغفار اللي ممكن الانسان يجنيها ؟
ممكن نركز مع بعض في الايات اللي هي كلام ربنا
بتقول ايه
رقم 1
{فقلت استغفروا ربكم إنه كان غفّارًا*يرسل السماء عليكم مدرارًا*ويمددكم بأموال وبنين ويجعل لكم جنات ويجعل لكم أنهارًا}
رقم 2
{ وَأَنِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتاعاً حَسَناً إِلى أَجَلٍ مُسَمًّى وَيُؤْتِ كُلَّ ذِي فَضْلٍ فَضْلَهُ}
رقم 3
{ وَما كانَ اللَّهُ مُعَذِّبَهُمْ وَهُمْ يَسْتَغْفِرُونَ}
رقم 4
(من لزم الاستغفار جعل الله له من كل هم فرجًا، ومن كل ضيق مخرجًا، ورزقه الله من حيث لا يحتسب)
مين يبدأ معايا
عايزين نطبق موضوع الاستغفار بجد ونشوف تأثيره في حياتنا اكيد وعد ربنا حق وده اسلوب سهل وبسيط
اقتراح اننا نستغفر كل يوم 500 مره مبدئيا كل يوم وهنزودهم تلقائيا المهم يكون بنيه خالصة لله ويكون طالع من القلب
 |
| الاستغفار 1 |
