اشتقت لايام مكنش فيها دش
تليفزيونا يدوب .. كان يجيب قناتين
الاولي .. والتانيه
وف احلي حته ف مسلسل
نلاقيه كان يوش
وبابا يقول ارسال
وماما تصرخ :( اسكتوا ياعيال )
ونبقي ربع ساعه متغاظين
ياااااااااااه فاتت سنين
وحشني تليفزيونا وجمايله
وحشني برنامج عروستي
وبرنامج سينما الاطفال
كابتين ماجد وعمايله
واغنية اجيال ورا اجيال
كانت بتيجي
في فقره مفتوحه كل اتنين
وحشني عالم سمسم وبكار وحسونه
تليفزيونا كان قناتين
لكن كل واحده فيها روح
كانت تعلمني سياسه . ثقافة . فن ودين
عارفين
كنت بفضل قدامه ساعات مبزهقش
 |
| تليفزيون زمان |
0 التعليقات :
إرسال تعليق