بغض النظر عن كلام التنميه البشريه وعلم الطاقه الحيويه وقوانين الكون المختلفة
الا ان قانون التركيز انا حسيته في حياتي قبل مااقرأ في المجالات دي كلها .. كنت لما افكر في حاجه كتير الاقيها تحصل سواء ايجابيه او سلبية . ولو واخده بالي من حاجه معينه بقيت اشوفها كتير زي مثلا لو بلوزه عجباني جدا او عربيه نفسي اشتريها
الاقي زيها كتير بالصدف في كل مكان وكأن مفيش غيرها
بدأت اركز علي الموضوع ده وأراقبه واراقب تصرفاتي ...... ومره اضحك ومره ابكي
لاني لو ركزت علي حاجه سلبيه تيجي هي وصحابها معاها ولو ركزت علي حاجه ايجابيه تيجي هي وكل اللي بحبه
فالحل ايه
اي حاجه انتي او انت بتتمناها وعايزها تتحقق ركز عليها جدا وفكر فيها باستمرار بس مش بتعلق يعني بلاش احساس انك هتموت او هتموتي علي الحاجه دي . ( جت جت خير وبركه .. مجتش عادي جدا )
ولو في حاجات سلبيه ف حياتك كتير متركزش عليها خالص ( تجاهلها ) تماما كده هترتاح والحاجه دي مره في مره هتختفي من حياتك علي رأي ابراهيم نصر كشكشها ومتعرضهاش
بعد ما قرأت في العلوم اللي المفروض انها جديده ف الوطن العربي مع انها بتتطبق من قديم الازل في دول تانيه وموجوده بالفطره عند ناس تانيه خالص وموجوده في الاسلام وكان بيطبقها رسول الله الكريم
( تفاءلوا بالخير تجدوه ) أَنَا عِنْدَ ظَنِّ عَبْدِي بِي فَلْيَظُنَّ بِي مَا شَاءَ
 |
| بتركزوا علي ايه |
0 التعليقات :
إرسال تعليق